ჩრდილოეთ კაროლინას სატრანსპორტო დეპარტამენტი (NCDOT) აფრთხილებს სატვირთო გადამზიდების მძღოლებს, რომ ისინი დაჯარიმდებიან ტენესი-ჩრდილოეთ კაროლინას საზღვარზე არასატვირთო მარშრუტების გამოყენების შემთხვევაში.
ქარიშხალ ჰელენისგან გამოწვეული დაზიანებების გამო ტენესის და ჩრდილოეთ კაროლინას საზღვარზე მოძრაობა ჯერ კიდევ პრობლემატურია.
ოფიციალური პირები აცხადებენ, რომ 100-ზე მეტი ჯარიმა დაიწერა ხუთშაბათს, 14 ნოემბერს, მძღოლებზე, რომლებიც იყენებენ არასატვირთო მარშრუტებს ამ ორ შტატს შორის საზღვრის გადაკვეთისთვის.
„არსებობს მხოლოდ ორი სწორი მარშრუტი სატვირთოებისთვის, რომლებიც დასავლეთიდან ან დასავლეთისკენ გადაადგილდებიან. ეს არის I-77-დან I-81-მდე ან I-40-დან US 74-მდე. თუ GPS აპლიკაციები სხვაგან გაგზავნიან, არ დაუჯეროთ! ეს დიდ პრობლემებს შეგიქმნით“, – აცხადებს NCDOT.
NCDOT რამდენიმე ფოტოსაც აზიარებს და კიდევ ერთხელ მოუწოდებს მძღოლებს მეტი ყურადღებისკენ.
