ტრამპი ხელს მოაწერს განკარგულებას, რომელიც სატვირთო მძღოლებისთვის ინგლისური ენის ცოდნას სავალდებულოს გახდის

უახლესი ინფორმაციების ქართულ ენაზე მისაღებად დაემატეთ ფეისბუქ ჯგუფში ამ ლინკზე.

აშშ-ის პრეზიდენტი დონალდ ტრამპი ორშაბათს გეგმავს ხელი მოაწეროს აღმასრულებელ განკარგულებას, რომელიც სატვირთო მძღოლებისთვის ინგლისური ენის ცოდნას სავალდებულოს გახდის. ინფორმაციას Breitbart News ავრცელებს.

თეთრი სახლის მიერ მომზადებული დოკუმენტის მიხედვით, რომელიც გამოცემამ მოიპოვა, განკარგულების მიზანია უზრუნველყოს, რომ კომერციული სატრანსპორტო საშუალებების მძღოლები შეერთებულ შტატებში ფლობდნენ საჭირო კვალიფიკაციას და ინგლისურ ენას.

„პრეზიდენტ ტრამპის მტკიცებით, ინგლისური ენის ცოდნა არის აუცილებელი უსაფრთხოების პირობა პროფესიონალი მძღოლებისთვის. მათ უნდა შეეძლოთ საგზაო ნიშნების წაკითხვა და გაგება, სამართალდამცავებთან და საზღვრის კონტროლის წარმომადგენლებთან კომუნიკაცია, აგრარული შემოწმების პუნქტებთან და წონის კონტროლის სადგურებთან ურთიერთობა, ასევე მითითებების გაცემა და მიღება ინგლისურ ენაზე,“ — ნათქვამია დოკუმენტში.

გაძლიერებული კონტროლი ენის ცოდნაზე

ახალი განკარგულების თანახმად, ტრანსპორტის მდივანს, შონ დაფის, დაევალება გააუქმოს არსებული ინსტრუქციები და შეიმუშაოს ახალი, მკაცრი პროცედურები მძღოლების ინგლისური ენის ცოდნის შესამოწმებლად.

დოკუმენტში ხაზგასმულია, რომ კომერციული მძღოლებისთვის ინგლისური ენის ცოდნის მოთხოვნა ფედერალურ დონეზე მრავალი წლის განმავლობაში ფაქტობრივად არ იყო აღსრულებული. ახალი განკარგულება მოითხოვს:

• გარიგებული კრიტერიუმების გადახედვას;

• იმ მძღოლების მომსახურებიდან გარიცხვას, რომლებიც ვერ დააკმაყოფილებენ ენის ცოდნის სტანდარტს.

ამ ნაბიჯის მიზანია საგზაო უსაფრთხოების კიდევ უფრო გაძლიერება.

დამატებითი ცვლილებები სატვირთო მძღოლების სამუშაო პირობებში

განკარგულებით ასევე იგეგმება სატვირთო მძღოლების სამუშაო პირობების გაუმჯობესება, რაც განხორციელდება ადმინისტრაციული, რეგულატორული და სადამკვირვებლო ზომების საშუალებით.

ინგლისურის გამოცხადება ოფიციალურ ენად

ახალი განკარგულება ტრამპის წინა გადაწყვეტილებას ეხმიანება, რომლის თანახმადაც მარტში გამოცხადდა, რომ ინგლისური არის შეერთებული შტატების ერთადერთი ოფიციალური ენა.

თეთრი სახლის დოკუმენტის მიხედვით:

„ერთიანობის გაძლიერების, საერთო ამერიკული კულტურის შექმნის, მთავრობის ეფექტიანი მუშაობისა და სამოქალაქო ჩართულობის ხელშესაწყობად, ფედერალურმა მთავრობამ ოფიციალურ ენად მხოლოდ ინგლისური უნდა დაადგინოს.“

დონალდ ტრამპი გეგმავს, რომ განკარგულებებს ხელი მოაწეროს ორშაბათს, 17:00 საათზე (აღმოსავლეთის დროით), თეთრ სახლში, ოვალური ოფისიდან.

წყარო: https://www.breitbart.com/politics/2025/04/28/exclusive-trump-to-sign-order-ensuring-truckers-can-speak-english/